Thursday, 17 June 2021 14:29

የተራቆተውን ተራራ በደን መሸፈን

Written by
Rate this item
(0 votes)

በምርምርና ማኅበረሰብ አገልግሎት ም/ፕሬዝዳንት ጽ/ቤት አስተባባሪነት ሰኔ 9 ቀን 2013 ዓ.ም በሙኔሳ ወረዳ የሚገኘውን ጉንጉማ ተራራ በደን ለመሸፈን የችግኝ ተከላ መርሃ ግብር አካሂዷል፡፡ 

የአርሲ ዩኒቨርሲቲ የምርምርና ማኅበረሰብ አገልግሎት ም/ፕሬዝዳንት ዶ/ር አደም ከድር በመርሃ ግብሩ ላይ ባሳሙት ንግግር ጉንጉማ ተራራ ከዚህ በፊት በተፈጥሮ ደን የተሸፈነ እንደነበር ጠቅሰው በአሁን ጊዜ ደኑ ተመንጥሮ መሬቱ ለእርሻ በመዋሉ የተነሳ በተደጋጋሚ ጊዜያት ጎርፍ በግርጌው በሚገኙት ነዋሪዎች ላይ ከፍተኛ ጉዳት ማድረሱን ጠቅሰዋል፡፡ አያይዘውም በአርሲ ዞን የሚገኙት ተራሮች የደን ሽፋናቸው በመመናመኑ በጎርፍ የተፈጠረው የአፈር መሸርሸር በአካባቢዎቹ ምርትና ምርታማነት ላይ ከፍተኛ ተፅእኖ ከማድረሱም በላይ እንደዝዋይ ሐይቅ ያሉትን በታችኛው ተፋሰስ የሚገኙን በደለል በመሙላት ላይ እንደሚገኝ ገልጸዋል፡፡ 

በዚህ የችግኝ ተከላ መርሃ ግር ላይ የጉንጉማ ቀበሌ ገበሬ ማኅበር፤ የሙኔሳ ወረዳ አስተዳደር፤ የአርሲ ዩኒቨርሲቲ ማኅበረሰብ፤ የፌዴራል ተፋሰስ ባለሥልጣን፤ የስምጥ ሸለቆ ሐይቆች ተፋሰስ ልማት ጽ/ቤት፤ የክላስተር ዩኒቨርሲቲዎች ተወካዮችና ባለድርሻ አካላት ተገኝተዋል፡፡ አርሲ ዩኒቨርሲቲ ከሙኔሳ ወረዳ ግብርናና አካባቢ ጥበቃ ጽ/ቤት ጋር በመተባበር በዚህን ክረምት ከ80‚000 በላይ ችግኞች ለመትከል ማዘጋጀቱን በዚሁ ወቅት ተጠቅሷል፡፡ 

ከችግኝ ተከላው መርሃ ግብር በኋላ አርሲ ዩኒቨርሲቲ በአካባቢው የተፋሰስ ልማት ሥራዎች ላይ ባከናወናቸውን ሥራዎችና በወደፊት እቅዱ ላይ ከሙኔሳ ወረዳ አስተዳደር፤ ከፌዴራል ተፋሰስ ባለሥልጣን፤ ከስምጥ ሸለቆ ሐይቆች ተፋሰስ ልማት ጽ/ቤት፤ ከክላስተር ዩኒቨርሲቲዎችና ከባለድርሻ አካላት ጋር ውይይት አካሂዷል፡፡ በመጨረሻም በመርሃ ግብሩ ላይ ለተሳተፉት አከላት የምስክር ወረቀት ተሰጥቷል፡፡

Read 185 times Last modified on Thursday, 17 June 2021 14:51

Leave a comment

Make sure you enter all the required information, indicated by an asterisk (*). HTML code is not allowed.