Saturday, 17 October 2020 05:54

አርሲ ዩኒቨርሲቲ ተሸለመ፡፡

Written by
Rate this item
(0 votes)

የኦሮሚያ ብሔራዊ ክልላዊ መንግሥት ከሱማሌ ክልል ለተፈናቀሉ ወገኖቻችን ማቋቋሚያ የሚሆን ገቢ ለማሰባሰብ አቅዶ ያዘጋጀውን ለሚቱ ለሚፍ (ወገን ለወገን) ቶምቦላ ሎተሪ ለዩኒቨርሲቲው ማኅበረሰብ በማድረስ ሁሉም የበኩሉን ድጋፍ እንዲያደርግና አጋሪነታቸውን እንዲገልጹ ሁኔታዎችን በማመቻቸት ከፍተኛ አስተዋጽኦ በማበርከቱ ለአርሲ ዩኒቨርሲቲ ምስጋና አቅርቧል፡፡ ለዚህ አርኣያነት ላለው መልካም ተግባሩም የተዘጋጀው የምስጋና የምሥክር ወረቀትና ዋንጫ በሽልማት ተሰጥቶታል፡፡ አርሲ ዩኒቨርሲቲ የዩኒቨርሲቲውን ድጋፍ ለሚፈልጉ አካላት ቀድሞ በመድረስ በሚያከናውናቸው በርካታ ተግባራት ለሌሎች ምሳሌ መሆኑም በዚሁ ወቅት ተገልጿል፡፡

ይህ በእንዲህ እንዳለ የአሰላ ከተማ አስተዳደር አርሲ ዩኒቨርሲቲ ከከተማው አሰተዳደር ጎን በመሰለፍ የተለያዩ ማኅበረሰባዊ አገልግሎቶችና የነዋሪዎችን ችግር በዘላቂነት በሚፈቱ የልማት ሥራዎች ላይ በመሳተፍ ላደረገው ከፍተኛ ድጋፍ የምስክር ወረቀትና ዋንጫ በሽልማት አበርክቶለታል፡፡ ዩኒቨርሲቲው በአሰላ ከተማ ውስጥ ካከናወናቸው የልማት ሥራዎች መካከል የመንገድ ችግር በሚታይበት የከተማው ክፍል ለነዋሪዎች ከፍተኛ ግልጋሎት የሚሰጥ አስፋልት እና በከተማው ዋና የትራንስፖርት መናኸሪያ ግቢ ውስጥና ለአካባቢው ኅብረተሰብ በማገልገል ላይ የሚገኘው የደህንነት ካሜራ ተጠቃሾች ናቸው፡፡

አርሲ ዩኒቨርሲቲ ከተመሠረተበት ጊዜ ጀምሮ በተደጋጋሚ ረዳት ለሌላቸውና ድጋፍ ለሚፈልጉ አቅመ ደካሞችና የዕድሜ ባለጸጎች፣  እጅግ ዝቅተኛ የኑሮ ሁኔታ ውስጥ የሚገኙና የጤና ችግር ያለባቸው ከቀድሞ አሰላ ሆስፒታልና አርሲ ገጠር ልማት ድርጅት በጡረታ የተገለሉ ጡረተኞችና የአረጋውያን መርጃ ማኅበር የምግብ እህልና ማጣፈጫዎች፣ የንጽህና መጠበቂያዎችና ቁሳቁሶች ድጋፍ በማድረግ ላይ ይገኛል፡፡

Read 104 times Last modified on Saturday, 17 October 2020 06:00

Leave a comment

Make sure you enter all the required information, indicated by an asterisk (*). HTML code is not allowed.