Tuesday, 16 June 2020 11:36

የዩኒቨርሲቲዎች ቀን ማስጀመሪያ መርሃ ግብር

Written by
Rate this item
(0 votes)

 

በአገር አቀፍ ደረጃ የሚካሄደው የዩኒቨርሲቲዎች ቀን በአርሲ ዩኒቨርሲቲ ሰኔ 8 ቀን 2012 ዓ.ም ተጀምሯ፡፡ ስነ ስርአቱን ያስጀመሩት የሳይንስና ከፍተኛ ትምህርት ሚኒስቴር ሚኒስትር ዲኤታ ፕሮፌሰር አፈወርቅ ካሱ በስነ ስርአቱ ላይ ባደረጉት ንግግር የዚህ ዓመት የዩኒቨርሲቲዎች ቀን ሶስት ትላልቅ አላማዎች፡

 

1.  አረንጓዴ አሻራ ማኖር

 

2.  ማዕድ መጋራት

 

3.  ደም መለገስ  መሆናውን ገልጸው አላማዎቹ የሁሉንም ርብርብ የሚጠይቁ መሆኑን አስገንዝበዋል፡፡

 

በመቀጠልም በአሁን ጊዜ የአለማችን የጤና ስጋት የሆነው የኮቪድ-19 ወረርሽኝን ማቆም የምንችለው ሁላችንም በጋራ ስንከላከልና ዘማች ስንሆን ነው በማለት መዘናጋት እንደሌለብን አሳስበዋል፡፡ በዚህም የአገር ሽማግሌዎችና የሃይማኖት አባቶች ህዝብ የማስተማሩን ተግባር ሳይሰላቹ በተጠናከረ ሁኔታ እንዲቀጥሉ መልእክት አስተላልፈዋል፡፡ የአረንጓዴ አሻራ ማኖር አስፈላጊነትን አስመልክተው ባስተላለፉት መልእክት ደን ዘርፈ ብዙ ጠቀሜታ እንዳለው ጠቅሰው የደን መመናመን በአለም ላይ በማስከተል ላይ የሚገኘውን አደጋ በማሳየት አገራችንን ከዚህ አይነቱ አደጋ እንታደግ ብለዋል፡፡ ማእድ መጋራትን አስመልክተው ከአገራችን መልካም እሴቶች መካከል አንዱ ለሌላው ማካፈል በመሆኑ ይህንን መልካም እሴታችንን ዛሬም ድጋፍ ለሚፈልጉ ወገኖቻችን ያለንን በማካፈል እናስቀጠል በማለት መረዳዳትመተሳሰብ መከባበርብለዋል፡፡ ዛሬ ኮቪድ-19ን ለመከላከል ከምናደርገው ርብርቦሽ ጎን ለጎን በሌሎች በሽታዎች ተይዘው ደም ለሚያስፈልጋችው ዜጎቻችንም ደም በመለገስ ድጋፍ እናድርግ በማለት ጥሪ አቅርበዋል፡፡

 

የአርሲ ዩኒቨርሲቲ ፕሬዚዳንት ዶ/ር ዱጉማ አዱኛ ብዚሁ ስነ ስርዓት ላይ ባስተላለፉት መልእክት በዘንድሮ መርሃ ግብር ከ30000 በላይ ችግኞችን ለመትከል መታቀዱንና ሁሉም የዩኒቨርሲቲው ስታፍ አሻራውን እንዲያኖር ጥሪ አቅርበዋል፡፡ በእለቱም ክ3000 ሺህ በላይ ችግኞች በግንባታ ላይ በሚገኘው የዩኒቨርሲቲው ግቢ ውስጥ ተተክለዋል፡፡

 

Read 488 times Last modified on Tuesday, 16 June 2020 11:43

Leave a comment

Make sure you enter all the required information, indicated by an asterisk (*). HTML code is not allowed.