Wednesday, 20 December 2017 06:09

አርሲ ዩኒቨርሲቲ ከኦርቢስ ኢንተርናሽናል ጋር በመተባበር ነፃ የዓይን ህክምና አገልግሎት ሰጠ

Written by 
Rate this item
(0 votes)

አርሲ ዩኒቨርሲቲ ከኦርቢስ ኢንተርናሽናል ጋር በመተባበር በአርሲ ሮቤ ሆስፒታል ፣በጎቤሳ ሆስፒታል ከህዳር 13/3/2010-30/03/2010 ነፃ የዓይን ህክምና አገልግሎት ሰጠ፡፡

የአርሲ ዩኒቨርሲቲ የአካዳሚክስ ጉዳዮች ም/ፕሬዝዳት ዶ/ር ሂርጶ ጤኖ በህክምና ማዕከላቱ የተገኙ ሲሆን ዩኒቨርሲቲው ከተቋቋመባቸው ዓላዎች አንዱ የማህበረሰብ አገልግሎ እንደመሆኑ መጠን ነፃ የዓይን ህክምናውም የዚሁ አካል ነው ብለዋል፡፡ ዶ/ር ሂርጶ አክለው ዩኒቨርሲቲዉ ከዚህ በፊትም ተመሳሰይ አገልግሎቶችን እየሰጣ መቆየቱንና ለወደፊትም አጠናከረው እነደምቀጥሉ በመጠቆም በአሁኑ እድል ተጠቃሚ ያልሆኑት በማንኛውም ጊዜ ወደ አርሲ ዩኒቨርሲቲ አሰላ ማስተማሪያና ሪፈራል ሆስፒታል በመምጣት አገልግሎቱን ማግኘት እንደሚችሉ አስረድተዋል፡፡

ከህዳር 13-30/2010 በተካሄደው ነፃ የዓይን ህክምና አገልግሎት ያገኙት ታካሚዎች እንዳስረዱን ከሆነ ከዚህ በፊት ዓይናቸውን ለመታከም በተለያዩ የጤና ተቋማት በመገኘት አገልግሎት ለማግኘት ቢፈልጉም ለህክምና የሚጠየቁት ወጪ ከአቅማቸው በላይ መሆኑ ህክምናውን ሲያገኙ እንደቆዩ ገልፀዋል፡፡ ተካሚዎቹ የዚህ ዕድል ተጠቃሚ በመሆናቸውና ማየት የተሳነው ዓይኖቻቸው በርቶ በማግኘታቸው እጅግ በጣም ደስተኞች እንደሆኑ የገለፁ ሲሆን አርሲ ዩኒቨርሲቲ ይህንን ዓይነት መልካም ዕድል ስለፈጠረላቸው ለዩኒቨርሲቲው የላቀ ምስጋና አቅርበዋል፡፡ በአርሲ ሮቤ ዙሪያ ከሚገኙ ወረዳዎች ለህክምናው ከተመዘገቡት ውስጥ ለ881 ታካሚዎች ምርመራ የተደረገላቸው ሲሆን ከዚህ ውስጥ 104 ለሚሆኑት ደግሞ የዓይን ሞራና ሌሎች ተያያዥ ቀዶ ጥገና ተደርጎላቸው ወደ ቤታቸው ተመልሰዋል፡፡ በተጨማሪም ከ25-30 በጎቤሣ ዙሪያ ከሚገኙት ወረዳዎች የተመዘገቡት ውስጥ ከ996 በላይ ለምሆኑ ምርመራ የተደረገ ሲሆን 88 ለሚሆኑ ቀዶ ጥገና ተደረገላቸዋል፡፡ በአጠቃላይ ከ አንድ ሺ ስምንት መቶ ሰዎች በላይ በዕደሉ ተጠቃሚ መሆናቸውን መረዳት ተችሏል፡፡

 

Read 213 times Last modified on Monday, 25 December 2017 08:34

Leave a comment

Make sure you enter the (*) required information where indicated. HTML code is not allowed.